The Choir Project Workshop in Berlin -ورشة مشروع كورال في برلين
The Choir Project Workshop in Berlin -ورشة مشروع كورال في برلين
Share this event
Need help?
مشروع كورال في برلين
خمسة أيام غُنا وحكي وتأليف وتلحين... وفي الآخر عرض فني من صنعنا
عمرك فكرت إن صوتك ممكن يحكي حكايتك؟ أو إن حكايتك ممكن تبقى أغنية؟
ورشة خمس أيام من الغُنا والحكي والكتابة والتلحين والتجريب، هنجتمع فيهم علشان نخلق حاجة من الصفر، حاجة شبهنا، بأصواتنا وحكاياتنا ولهجاتنا واختلافاتنا. هنحكي عن نفسنا، وعن تجاربنا، وعن علاقتنا ببرلين؛ المدينة اللي بقينا عايشين فيها، باختيارنا أو بظروف الحياة
مش جايين نعمل كورال تقليدي، ولا نغنّي أغاني محفوظة. إحنا جايين نخلق أغاني ومشاهد موسيقية من حكاياتنا وأفكارنا، بالعربي بلهجاته المختلفة، وفي النهاية، هنطلع كلنا على المسرح يوم 3 ديسمبر ونقدّم عرض فني جماعي للجمهور في برلين، عرض ملوش نسخة تانية ومش هيتكرر بنفس الشكل
مين يقدر يشارك؟
لكل اللي بيتكلموا عربي، من كل الأعمار!! مش لازم يكون صوتك حلو أو يكون عندك أي خبرة سابقة في الغنا, كده كده صوتك وحكايتك ليهم مكان معانا. ولو بتعزف على آلة موسيقية، أو عندك خبرة في التلحين، فإحنا كمان فاتحين الباب لكل الموسيقيين والموسيقيات اللي حابين يضيفوا من خبرتهم للتجربة
كل اللي محتاجينه هو شوية فضول، وشجاعة، ورغبة إنك تجرّب وتسمع غيرك وتشارك في حاجة جماعية مختلفة
هنعمل إيه في الورشة؟
هنشتغل على الغنا وصوتنا وإيقاعنا، هنألف سوا أغاني عن تجاربنا في برلين، ونلحن ونغني سوا
نتاج الورشة
أغنتين من تأليفنا وألحاننا وغنانا, واحدة منهم هتستخدم في بودكاست "زيطة في برلين" اللي معمول عن قصصنا كعرب وتأثيرنا في برلين.
وفي آخر يوم عرض هنغني فيه قدام أصحابنا وأهلنا والناس تجي تتفرج وتشجع
إيه هو مشروع كورال؟
مشروع كورال هو مشروع فني تطوعي مستقل، أسسه الفنان المصري سلام يسري في القاهرة سنة 2010. المشروع مش فرقة ثابتة، لكنه تجربة بتتنقل بين مدن وبلاد مختلفة، وبتجمع في كل مرة ناس جديدة، محترفين وغير محترفين، علشان يخلقوا سوا عمل فني جماعي بيختاروا موضوعه وشكله بنفسهم.. على مدار أكتر من 16 سنة، اشتغل مشروع كورال في مدن كتير، منها القاهرة والإسكندرية وعمّان وبيروت وتونس وبرلين وميونخ وباريس وجنيف ولندن وبودابست وغيرها. الورشة في برلين هتكون بقيادة الفنان سلام يسري
إمتى أيام الورشة ؟
. الورشة عبارة عن 5 أيام, مدة كل ورشة من 3 لـ5 ساعات
٢٧ نوفمبر ٢٠٢٦: من الساعة ٦-٩ مساءً
٢٨ نوفمبر٢٠٢٦: من الساعة ٦-٩ مساءً
٢٩ نوفمبر ٢٠٢٦: من الساعة ١٢-٥ الظهر
١ ديسمبر ٢٠٢٦: من الساعة ١٢-٥ الظهر
٢ ديسمبر ٢٠٢٦: من الساعة ٦-٩ مساءً
العرض النهائي: يوم 3 ديسمبر
الحد الأدنى للحضور هو 4 أيام من أصل 5 أيام الورشة، دون احتساب يوم العرض
مطلوب منك إيه؟
كل اللي عليك إنك تملى الفورم عند شراء التذكرة وتيجي معاك حماسك وروحك الحلوة
!!عايزين نسمّع برلين إحنا مين، جايين منين، وعندنا إيه نقوله
"المشروع بالتعاون بين "أوبا برلين"، و"سيرة فيلمز"، "وزيطة في برلين .
This is an independent, non-profit project, and the presented tickets are to cover the project expenses. If you are interested in joining the workshop but find it difficult to afford the listed tickets price, please feel free to contact us by email, and we will do our best to find a suitable solution.