Pantomeim : Gwrachod Llanddona

Mae hi bron yn Nadolig, ac mae ‘na rywbeth rhyfedd iawn ar droed yn Llanddona.

Wrth i holl drigolion y pentref baratoi at gystadleuaeth addurno’r pentref eleni, mae llawer un yn clywed sibrydion am hen hen hanes Gwrachod Llanddona. Ai chwedl wirion yw hon, neu stori wir ddychrynllyd?

Wrth i Cled a Ted ddarllen hanes y gwrachod yn eu ‘Llyfr Swynion Sgeri’ yn y goedwig - mae rhywbeth rhyfedd iawn iawn yn digwydd. Beth tybed?

A fydd Gwrachod Llanddona yn dychwelyd i’r pentref eleni i greu hafoc a miri? A fydd Dona a’i mab Goronwy yn llwyddo i addurno eu cartref cyn y gystadleuaeth fawr? A fydd Llanddona yn cael llonydd gan y gwrachod cas?

Dewch draw i Theatr Fach Llangefni i ddathlu’r Nadolig mewn steil unwaith eto eleni.